Cyfarfod Llawn

Cyfarfod o'r Senedd gyfan yw'r Cyfarfod Llawn, a gynhelir yn Siambr drafod y Senedd.

Y Llywydd sy'n cadeirio'r Cyfarfod Llawn a dyma'r prif fforwm i Aelodau'r Senedd gyflawni eu rôl fel cynrychiolwyr sydd wedi'u hethol yn ddemocrataidd.

Nod y rôl hon yw cynrychioli buddiannau Cymru a’i phobl, deddfu ar gyfer Cymru, cytuno ar drethi i Gymru a dwyn Llywodraeth Cymru i gyfrif. Maent yn gwneud hynny drwy gyflwyno cwestiynau i Ysgrifenyddion y Cabinet a'r Gweinidogion, cynnal dadleuon a phleidleisio ar faterion sy'n effeithio ar fywyd bob dydd yng Nghymru.

Cynhelir y Cyfarfod Llawn ddwywaith yr wythnos ar ddydd Mawrth a dydd Mercher ac mae'n agored i'r cyhoedd i ddod i wylio. Mae Cofnod y Trafodion, sef trawsgrifiad o bob Cyfarfod Llawn, ar gael a gellir chwilio drwyddynt yn llawn. Gallwch hefyd wylio'r Cyfarfod Llawn yn fyw neu wylio hen gyfarfodydd eto ar wefan Senedd TV.

I gael cyflwyniad defnyddiol i weithdrefnau'r Cyfarfod Llawn, gallwch lawrlwytho ein Canllaw i'r Cyfarfod Llawn (PDF, 364kb). Gallwch ddarllen mwy am y mathau o fusnes, sut mae'r busnes yn cael ei drefnu, a'r rheolau y mae'n rhaid i Aelodau o’r Senedd eu dilyn yma.

Dod o hyd i'r wybodaeth sydd ei hangen arnoch

Agendâu a Chofnodion y Cyfarfod Llawn

Gallwch weld yr agendâu diweddaraf ar gyfer y Cyfarfod Llawn a chofnodion cyfarfodydd blaenorol cyn gynted ag y byddant ar gael. Caiff agendâu drafft eu cyhoeddi wythnos ymlaen llaw.

Datganiadau a Chyhoeddiadau Busnes

Mae Datganiadau a Chyhoeddiadau Busnes yn rhoi golwg hirach o'r hyn fydd yn cael ei drafod yn y Cyfarfod Llawn dros y tair wythnos nesaf.

Ymddygiad, Rheolau a Chanllawiau

Yr enw ar y rheolau yn amlinellu sut y dylid cynnal trafodion y Senedd a sut y dylai Aelodau ymddwyn yn y Siambr yw'r “Rheolau Sefydlog”.

Y Cofnod

Mae Cofnod y Trafodion yn ei hanfod yn drawsgrifiad gair am air o drafodion cyfarfodydd llawn y Senedd. Mae'n cofnodi'r hyn a gafodd ei ddweud yn ogystal â'r hyn y penderfynwyd arno.

Caiff pob gair sy'n cael ei siarad a phob penderfyniad a wneir yn y Siambr eu cofnodi a'u cyhoeddi ar ein gwefan o fewn 24 awr. Bydd fersiwn drafft ar gael yn ystod y cyfarfodydd hefyd, sy'n cael eu diweddaru bob 15 munud.

Chwilio drwy Gofnod y Trafodion

Cynigion a Gwelliannau

Cwestiynau nas cyrhaeddwyd yn y Cyfarfod Llawn

Cwestiynau ysgrifenedig

Cwestiynau

Cwestiynau Llafar

Caiff Cwestiynau Llafar eu cyflwyno bob wythnos i'r Prif Weinidog eu hateb ar lafar yn y Cyfarfod Llawn a phob pedair wythnos i bob un o Weinidogion Cymru, y Cwnsler Cyffredinol a Chomisiwn y Senedd.

Amserlen ar gyfer cwestiynau llafar

Dyddiadau ar gyfer Cwestiynau Llafar i Weinidogion Cymru, y Cwnsler Cyffredinol a Chomisiwn y Senedd

Cwestiynau Amserol

Gall Aelodau ofyn Cwestiynau Amserol i aelod o'r Llywodraeth os yw'r Llywydd yn fodlon bod y cwestiwn yn ymwneud â mater o arwyddocâd cenedlaethol, rhanbarthol neu leol y byddai'n ddymunol cael ymateb cyflym iddo.

Cwestiynau Brys

Caiff Aelodau'r Senedd wneud cais ar unrhyw adeg i ofyn Cwestiwn Brys i Aelod o Lywodraeth Cymru neu Gomisiwn y Senedd yn ystod y Cyfarfod Llawn. Er hynny, dim ond os bydd y Llywydd (neu'r Dirprwy Lywydd os yw'r cwestiwn yn ymwneud â Chomisiwn y Senedd) yn fodlon bod y cwestiwn o bwys cenedlaethol brys. Cyflwynwyd y Cwestiynau Brys ar eu ffurf newydd yn y Cynulliad ym mis Mai 2017, ynghyd â Chwestiynau Amserol. Mae'r gweithdrefnau newydd hyn yn disodli'r drefn flaenorol ar gyfer gofyn Cwestiynau Brys.