Julie James AS

Y Darpar Gwnsler Cyffredinol a'r Gweinidog Cyflawni

Prif ddiddordebau a chyflawniadau

Mae Julie yn ymgyrchydd ymroddedig dros faterion gwyrdd, yn amgylcheddwr ac yn nofiwr a sgïwr brwd. Mae Julie hefyd yn aelod o gorff Unsain ac yn aelod o Gray's Inn.

Hanes personol

Ganwyd Julie yn Abertawe, ond treuliodd rannau sylweddol o'i hieuenctid mewn gwledydd eraill ledled y byd, yn byw gyda'i theulu. Treuliodd Julie dyddiau cynnar ei gyrfa yn Llundain, cyn symud yn ôl i Abertawe gyda'i gŵr i fagu eu tri phlentyn ac i fod yn agosach at ei theulu.

Cefndir proffesiynol

Hyd nes iddi gael ei hethol yn Aelod Cynulliad dros Orllewin Abertawe, roedd Julie yn gyfreithiwr blaenllaw ar faterion amgylcheddol a chyfansoddiadol. Cyn hynny, bu'n brif weithredwr cynorthwyol yng Nghyngor Abertawe. Treuliodd y rhan fwyaf o'i gyrfa gyfreithiol mewn llywodraeth leol. Roedd yn gyfreithiwr polisi ym Mwrdeistref Camden yn Llundain cyn dychwelyd i Abertawe i weithio yng Nghyngor Sir Gorllewin Morgannwg ac yna yng Nghyngor Dinas a Sir Abertawe.

Hanes gwleidyddol

Ymunodd Julie y Blaid Lafur yn y brifysgol. Roedd yn aelod gweithgar tan iddi gymryd swyddi â chyfyngiadau gwleidyddol ynghlwm wrthynt mewn nifer o gynghorau.