Lynne Neagle AS

Ysgrifennydd y Cabinet dros Addysg

Prif ddiddordebau a chyflawniadau

Mae Lynne yn ymgyrchu’n frwd dros atal hunanladdiad a dros iechyd meddwl plant a phobl ifanc. Hi oedd Cadeirydd y Pwyllgor Plant, Pobl Ifanc ac Addysg yn y Bumed Senedd.

Hanes personol

Ganed Lynne Neagle ym Merthyr Tudful ym 1968 a chafodd ei haddysg yn Ysgol Uwchradd Cyfarthfa cyn mynd i Brifysgol Reading lle astudiodd Ffrangeg ac Eidaleg. Mae hi’n briod â Huw Lewis, yr Aelod Cynulliad a oedd yn cynrychioli Merthyr Tudful a Rhymni tan y Bumed Senedd, ac mae ganddi ddau fab.

Cefndir proffesiynol

Cyn cael ei hethol i’r Cynulliad Cenedlaethol, fel yr oedd ar y pryd, ym 1999, bu Lynne yn gweithio mewn nifer o swyddi yn y sector gwirfoddol yng Nghymru, fel Shelter Cymru, Mind a Chyngor ar Bopeth. Roedd yn Swyddog Datblygu Gyrfaoedd gyda Gweithredu Gwirfoddol Caerdydd a gweithiodd hefyd fel ymchwilydd i Glenys Kinnock ASE.

Hanes gwleidyddol

Lynne oedd cadeirydd y Grŵp Llafur yn y Cynulliad am gryn amser, tan 2008. Mae ei diddordebau gwleidyddol yn cynnwys iechyd, tai, gwasanaethau cymdeithasol, Ewrop a dyfodol cymoedd y De. Yn y Bumed Senedd, Lynne oedd cadeirydd y Pwyllgor Plant, Pobl Ifanc ac Addysg.