Arddangosfeydd blaenorol

2024

Darlun o Owain Glyndŵr. Mae ganddo wallt hir a barf, ac mae’n gwisgo siaced goch. Mae’n dal dau gi bach du yn ei ddwylo, ac mae mynydd tywyll a choed gwyrdd yn y cefndir.

Llys Glyndŵr

I gyd-fynd â Diwrnod Owain Glyndŵr, mae’r artist Dan Llywelyn Hall wedi creu cyfres o ddarluniau sy’n portreadu ffigyrau allweddol yn llys Owain. Dyddiadau: 6 Medi - 3 Hydref 2024.

Llun agos o berson yn dal gwrthrych blewog. Defnyddiwyd gwahanol liwiau o edafedd gan gynnwys pinc, gwyrdd, coch a glas.

Hooked

Artist o Gymru yw Ella Jones ac mae hi’n arbenigo mewn creu gwaith celf rhyngweithiol creadigol sy’n ystyried cymhlethdodau canfyddiad cyffyrddol, gwead, a siapiau. Cafodd Ella ei hysbrydoli i greu ei gwaith celf ‘Hooked’ gan y dechneg bachyn clicied a gaiff ei defnyddio i greu celf tecstil gwlanog â llaw.

Llun sy’n dangos llecyn porfa gyda bryniau yn y cefndir. Mae grŵp o blant ysgol sy’n gwisgo cotiau glaw melyn a bagiau ar eu cefn yn cerdded tuag at y bryniau. Mae'r awyr yn gymylog a llwyd yr olwg.

Tir/Môr

Mae ffotograffiaeth gyfoes Mike Perry o’r tirwedd yn agor ein llygaid i’r gwrthdaro rhwng gweithgareddau dynol, a’r angen dybryd i fynd i’r afael â’n problemau amgylcheddol.

O’r Archif: Dy Senedd di yn 25

Er mwyn nodi 25 mlynedd o ddatganoli yng Nghymru, mae’r Llyfrgell Genedlaethol Cymru wedi dewis eitemau o’u casgliad sy’n dangos rhai o’r prif gerrig milltir ar daith y Senedd hyd yn hyn.

Aelodau o Senedd Ieuenctid Cymru rhwng mis Rhagfyr 2021 a mis Tachwedd 2023

Senedd Ieuenctid Cymru: Adeiladu'r Dyfodol Gyda'n Gilydd

Cynhaliodd Senedd Ieuenctid Cymru ei hetholiad cyntaf yn 2018. Mae’n llwyfan i godi lleisiau pobl ifanc ar y materion sy’n bwysig iddyn nhw. Mae’r arddangosfa hon yn edrych ar waith ail Senedd Ieuenctid Cymru. Dyddiadau: 24 Chwefror - 18 Mai 2024.

Am Olygfa - What a Scenery - Çî Nemayane

Am Olygfa - What a Scenery - Çî Nemayane

"Mae’n tynnu ynghyd waith gan ugain o artistiaid Cwrdaidd adnabyddus sy’n hanu o Ganada, America, Ewrop a Chanolbarth Cwrdistan. Mae’r aristiaid hyn, sydd wedi’u hysbrydoli gan y delweddau byw a geir ym marddoniaeth Goran, un o feirdd mwyaf blaenllaw y Cwrdiaid, yn creu clytwaith creadigol sy’n atseinio ar draws cyfandiroedd." Noddir gan Heledd Fychan AS a Darren Millar AS. Dyddiadau: 6 Ebrill - 17 Mai 2024.

Tapestri Peredur

Cafodd Martin ei ysbrydoli i wehyddu’r tapestri lliwgar hwn gan un rhan fach o stori Peredur. Daw stori Peredur o lawysgrif o’r Oesoedd Canol hwyr, sef Llyfr Gwyn Rhydderch (c.1325). Mae’r llawysgrif hwn, ynghyd â Llyfr Coch Hergest (c.1400), yn ffurfio un ar ddeg o straeon y Mabinogion. Noddir gan Paul Davies AS. Dyddiadau: 15 Mawrth - 30 Ebrill 2024.

Hyrwyddwyr Cymunedol Casnewydd

'Hyrwyddwyr Cymunedol Casnewydd' yw'r drydedd mewn cyfres o arddangosfeydd gan Kamila Jarczak a Menywod Casnewydd. Trwy ffotograffiaeth Kamila, mae’r arddangosfa’n dathlu llwyddiannau menywod lleol sy’n cefnogi eraill, yn creu cysylltiadau yn eu cymunedau ac yn dod â phositifrwydd i Gasnewydd. Noddir gan John Griffiths MS. Dyddiadau: 23 Ionawr - 1 Ebrill 2024.

Dinas Portreadau

Yn 2013, penderfynodd Grahame Hurd-Wood ddechrau prosiect uchelgeisiol i beintio portread o bob un o drigolion Tyddewi, Sir Benfro. Noddir gan Eluned Morgan AS. Dyddiadau: 27 Chwefror - 9 Mawrth 2024.

Beth Sydd Bwysicaf?

Mae Beth Sydd Bwysicaf? (What Matters Most?) yn cynnig darlun gonest, cignoeth ac ysbrydoledig o'r hyn sy'n bwysig wrth fyw ac wrth farw, gyda'r nod o wella gofal diwedd oes trwy rannu profiadau pobl sy'n derbyn gofal a phobl sy’n rhoi gofal. Noddir gan Mark Isherwood AS. Dyddiadau: 12 Ionawr - 15 Chwefror 2024.

Bywydau Cymreig

Yn yr arddangosfa hon mae aelodau o grŵp Celfyddyd Meisgyn (Miskin Art) yn tynnu sylw at lawer o wahanol agweddau ar fywyd Cymru. Maent yn talu teyrnged i Gymry a lleoedd arwyddocaol drwy bortreadau a gwaith tirwedd. Noddir gan Andrew RT Davies AS. Dyddiadau: 4 - 17 Ionawr 2024.

2023

Portread o Rosaleen (Rosie) Moriarty-Simmonds OBE a’r Haul y Tu Hwnt i'r Tonnau

Eleni, mae’r Senedd yn falch o arddangos gwaith celf gan Ted Harrison and Rosie Moriarty-Simmonds i nodi Diwrnod Rhyngwladol Pobl Anabl. Nod Diwrnod Rhyngwladol Pobl Anabl, a gynhelir ar 3 Rhagfyr bob blwyddyn, yw cynyddu ymwybyddiaeth a llesiant pobl anabl ym mhob agwedd ar eu bywyd. Dyddiadau: 18 Tachwedd - 21 Rhagfyr. Noddir gan y Llywydd, y Wir Anrhydeddus Elin Jones AS.

Cymanfa’r Adar: Gylfinir & Carfil Mawr

Mae’r artist a’r animeiddiwr Sean Harris yn rhoi sylw haeddiannol i ddau aderyn eiconig, sef y Gylfinir, a all ddiflannu o Gymru mewn llai na degawd, a’r Carfil Mawr, y mae ei dranc trasig, wedi’i brofi gan wyddoniaeth arloesol yng Nghymru, yn codi cwestiynau pwysig am ein gallu ni i ddysgu o gamgymeriadau'r gorffennol. Noddir gan Llyr Gruffydd AS, Mark Isherwood AS a Carolyn Thomas AS. Dyddiadau: 19 Medi - 19 Rhagfyr 2023.

Tardis a Dalek

Mae’r Senedd yn falch o fod yn rhan o’r dathliadau i nodi pen-blwydd cyfres deledu Doctor Who yn 60 oed. Noddir gan y Llywydd, y Gwir Anrh. Elin Jones AS. Dyddiadau: 24 Tachwedd – 2 Rhagfyr.

Y Ffenics

Mae Theatr Byd Bach yn creu cerflun anferthol o ffenics yn y Senedd a dyma eich gwahoddiad i gymryd rhan. Ymunwch â ni yn y Senedd drwy gydol gwyliau’r haf i wneud eich pluen eich hun i’w hychwanegu at y cerflun unigryw hwn. Os ydych chi'n ymuno â Charnifal Trebiwt, gallwch chi wneud pluen arall i fynd gyda chi ar yr orymdaith! Dyddiadau: 29 Gorffennaf – 7 Medi 2023. Gweithdy: 27 Awst 2023.

Archif Carnifal Trebiwt

Yr haf hwn mae'r Senedd yn falch o gynnal arddangosfa sy'n dathlu Carnifal Trebiwt. Mae Keith Murrell, Cyfarwyddwr Cymdeithas Celfyddyd a Diwylliant Trebiwt, wedi casglu ynghyd ddetholiad o luniau o Archif Carnifal Trebiwt. Mae'r delweddau’n rhoi cipolwg ar lawenydd yr achlysur hwn dros y blynyddoedd. Dyddiadau: 2 Awst - 4 Medi 2023.

Rhyfel a Heddwch: Ysgolion Cymru yn Cofio Rhyfel ac Ymladd

Mae’r arddangosfa hon yn cynnwys ymatebion gan chwe ysgol yn ne Cymru i’r cwestiwn dyrys o sut i goffáu rhyfel ac ymladd. Gan weithio gyda’r hanesydd Dr Gethin Matthews o Brifysgol Abertawe a’r artist Siôn Tomos Owen, mae’r plant ysgol wedi creu chwe chofeb newydd mewn ymateb i gofebion rhyfel lleol yn eu hardal. Noddir gan Rhys ab Owen AS. Dyddiadau: 28 Mehefin – 25 Gorffennaf.

Cymanfa'r Adar: Llais y Gylfinir

Drwy gydol 2022-2023, mae disgyblion Blwyddyn 6 Ysgol Bryn Coch wedi bod yn gweithio gyda’r artist Sean Harris i wneud animeiddiad am y gylfinir. Mae gan yr aderyn hwn statws cadwraeth coch yn y DU, ac ystyr hynny yw ei fod yn wynebu'r perygl mwyaf o ddirywiad yn y boblogaeth. Noddir gan Llyr Gruffydd AS, Mark Isherwood AS a Carolyn Thomas AS. Dyddiadau: 1 Gorffennaf – 20 Gorffennaf 2023.

Y Bwthyn

Mae Uned Gofal Lliniarol Arbenigol Macmillan NGS y Bwthyn yn cynnig amgylchedd cynnes, gofalgar i bobl â salwch anwelladwy a’u hanwyliaid. Caiff y gwaith ei arddangos i gyd-fynd ag Wythnos Byw Nawr (8 i 14 Mai 2023) ac mae’n archwilio sut cafodd y gwaith celf ei greu er mwyn meithrin amgylchedd llonyddol. Noddir gan Mick Antoniw AS. Dyddiadau: 25 Ebrill - 18 Gorffennaf 2023.

Perfformio yng Nghymru

Mae’r arddangosfa hon yn amlygu detholiad o waith gan Nichola a Sarah Hope, gan gysylltu â byd perfformio a’r theatr yng Nghymru. Noddir gan Jane Hutt AS. Dyddiadau: 29 Ebrill - 21 Mehefin 2023.

Evelyn a Marion Porak, dwy ferch sy’n ffoaduriaid, ar Bromenâd Aberystwyth, 1939

Ffoaduriaid yng Nghymru a ddihangodd rhag Sosialaeth Genedlaethol: Dysgu oddi wrth y Gorffennol i Lywio'r Dyfodol

Mae'r arddangosfa hon yn olrhain hanes ffoaduriaid yng Nghymru o'r 1930au hyd heddiw. Mae’n adrodd straeon y rhai a fu’n ffoi rhag y Sosialaeth Genedlaethol yng Nghanolbarth Ewrop er mwyn dod o hyd i loches, gan gymharu eu profiadau gyda ffoaduriaid y dydd modern. Dyddiadau: 18 Chwefror – 18 Ebrill 2023.

2022

Dathliad o Beintiadau Cyfoes Cymreig 2022

Nod y Dathliad o Beintiadau Cyfoes Cymreig yw dangos bywiogrwydd a thalent y bobl sy’n paentio yng Nghymru. Drwy gyfres o arddangosfeydd ar draws deuddeg lleoliad yn y De, y Canolbarth a'r Gorllewin, mae‘r dathliad yn cynrychioli rhai o beintwyr mwyaf arwyddocaol Cymru, yn ogystal â'r rhai sydd wrthi’n ennill eu plwyf. Noddir gan Dawn Bowden AS. Dyddiadau: 15 Rhagfyr 2022 – 9 Chwefror 2023.

Trwy Ein Llygaid

Mae Trwy Ein Llygaid yn rhannu straeon pobl ag anableddau dysgu yng Nghymru, mewn ffotograffau a fideos. Mae ein harddangosfa yn herio canfyddiadau a stereoteipiau, drwy amlygu rolau a gweithgareddau pobl ag anableddau dysgu yn ein cymunedau – rolau a gweithgareddau o bwys mawr. Noddir gan Jane Hutt AS. Dyddiadau 16 Tachwedd 2022 – 4 Chwefror 2023.

City Stories: Ffotograffau o Gaerdydd 1969-1977

Cafodd ffotograffau Pete Davis o Gaerdydd eu tynnu ar adeg pan oedd y gwaith dur yn cau ac roedd yr ardal yn cael ei hailddatblygu. Dros hanner can mlynedd yn ddiweddarach, maent yn cynnig cyfle i gynulleidfaoedd newydd fyfyrio ar gyfnod a lle a newidiodd yn weledol ac yn ddiwylliannol. Noddir gan Elin Jones AS. Dyddiadau: 1 Hydref – 8 Rhagfyr.

Mantell o Flodau Pabi Cricieth

Yn 2020, cafodd llawer o ddigwyddiadau Dydd y Cofio eu canslo oherwydd Covid-19. Yn hytrach, daeth trigolion yng Nghricieth, Gwynedd, at ei gilydd i greu mantell o flodau pabi a gafodd ei harddangos fel rhan o arddangosfa i nodi Dydd y Cofio. Bydd y fantell yn cael ei harddangos yn y Senedd fis Tachwedd eleni fel rhan o ddigwyddiadau Dydd y Cofio 2022. Noddir gan Eluned Morgan AS. Dyddiadau: 2 – 29 Tachwedd.

30.11.18 Rownd derfynol Miss Transgender UK, Gwesty’r Angel, Caerdydd Llun gan Nick Treharne

Nick Treharne: Portread o Gymru

Mae'r Senedd mewn partneriaeth â Llyfrgell Genedlaethol Cymru yn falch o gynnal yr arddangosfa hon o ddelweddau gan y ffotograffydd Nick Treharne fel rhan o brosiect i ddogfennu’r Gymru gyfoes. Dyddiadau: 23 Medi – 9 Tachwedd.

Black and Welsh

Daw'r gwneuthurwr ffilmiau Liana Stewart â phobl o bob cwr o Gymru at ei gilydd i rannu eu profiadau o beth mae'n ei olygu i fod yn ddu ac yn Gymraeg. Dyddiadau: 8 Hydref - 29 Hydref.

Us Here Now

Mae Us Here Now yn ddathliad o bobl yn Nwyrain Caerdydd; eu straeon a'u grym. Ar ddiwedd Haf 2020, gweithiodd yr artist Jon Pountney a Common Wealth gyda phobl sy'n byw, neu'n gweithio yn Llaneirwg, Llanrhymni a Trowbridge neu’n hanu o’r ardal i gael cipolwg ar fywyd yn yr heulwen. Noddir gan Vaughan Gething AS. Dyddiadau: 13 Gorffennaf – 24 Medi.

Beryl Productions, yn deillio o gymeriad nodweddiadol, sef Beryl, gweithiwr ffatri o Gymru sy’n ymddangos mewn 4 ffilm.

Affairs of the Art: Celf Joanna Quinn

Dathliad o waith celf Joanna Quinn o Beryl Productions, cwmni animeiddio Cymreig. Cafodd ffilm y cwmni, Affairs of the Art, ei henwebu am Oscar yn 2022 yn y categori Ffilm Fer Animeiddiedig Orau. Dyma’r arddangosfa fawr gyntaf o waith celf Joanna yng Nghymru. Dyddiadau: 22 Gorffennaf – 6 Medi.

Delwedd o’r arfordir a gymerwyd o’r awyr. Mae tonnau’n creu ewyn ar y traeth, mae rhywfaint o wyneb y clogwyn creigiog yn agored a gwelir caeau gwyrdd yn y pellter.

CHERISH

Mae CHERISH yn dwyn ynghyd dîm o archeolegwyr, daearyddwyr a gwyddonwyr morol sy'n astudio effeithiau newid yn yr hinsawdd ar dreftadaeth arfordirol a morol ledled Cymru ac Iwerddon. Mae arddangosfa CHERISH yn manylu ar waith y prosiect ac effaith newid yn yr hinsawdd ar ein treftadaeth ddiwylliannol. Noddwyd gan Julie James AS. Dyddiadau: 28 Mai – 14 Gorffennaf.

Tyfu Blodau Lawr y Dociau

Gan weithio gyda'r artist tecstilau Haf Weighton, mae dwy ysgol o Fro Morgannwg wedi creu gweithiau celf sy'n ymateb i ddarganfyddiadau a wnaeth botanegwr o Gaerdydd 100 mlynedd yn ôl. Yn cynnwys printiau blodau, cerfluniau llong a ffabrigau crog hardd. Noddir gan Vaughan Gething AS. Dyddiadau: 23 Mai – 7 Gorffennaf.

Cheryl Beer yn y Choedwigoedd Glaw Cymru

CÂN Y COED Symffoni’r Coedwigoedd Glaw

Mae Symffoni Coedwigoedd Glaw CÂN Y COED yn gydweithrediad unigryw rhwng Coedwigoedd Glaw Cymru a'r Artist Sain Amgylcheddol, Cheryl Beer. Arweinir y cyfansoddiad gan systemau fasgwlaidd coed hynafol, rhedyn a mwsogl, a goladwyd drwy addasu cymhorthion clyw a thechnoleg sain fiofeddygol. Dyddiadau: 21 Mehefin – 2 Gorffennaf.

This is Older

Noddwyd gan Mick Antoniw AS. O bync-rociwr i ffermwr defaid mynydd, ac o nofwyr gwyllt i’r rhai sy’n cadw rhandiroedd, mae Age Cymru yn falch iawn o gyflwyno arddangosfa sy'n ysgogi'r meddwl, gyda’r nod o chwalu stereoteipiau negyddol o bobl hŷn. Fe’i crëwyd mewn cydweithrediad â ffotograffydd o fri Jon Pountney a Llyfrgell Genedlaethol Cymru. Lleoliad: Senedd Oriel. Dyddiadau: 23 Ebrill – 25 Mai 2022

Cofio Jim Griffiths

Yn fab i löwr o bentref bach yng ngorllewin Cymru, daeth yn un o wleidyddion mwyaf dylanwadol Prydain wedi’r rhyfel a'r Ysgrifennydd Gwladol cyntaf erioed i Gymru. I anrhydeddu bywyd Jim, bydd cerflun ohono yn cael ei gyflwyno yn y Senedd. Prosiect ar y cyd gan y Senedd, Llywodraeth Cymru, Cyngor Sir Caerfyrddin a Llyfrgell Genedlaethol Cymru. Dyddiadau: 9 – 19 Mai.

Gwawr / Dawn

Mae Gwawr / Dawn yn waith celf digidol a grëwyd gan Zillah Bowes ar gyfer Agoriad Swyddogol y Chweched Senedd yn 2021. Mae’n cynnwys ffotograffau o bobl o bob cwr o Gymru, ynghyd â thirluniau, wedi’u cymryd cyn i’r haul godi, ac wedyn. 24 Chwefror – 19 Ebrill

Gwir Gofnod o Gyfnod – Setting the Record Straight

Wrth nodi Diwrnod Rhyngwladol y Menywod 2022, mae Gwir Gofnod o Gyfnod – Setting the Record Straight yn dathlu gwaith Aelodau benwyaidd o'r Senedd, o’r gorffennol a'r presennol. Rhwng 2019 a 2021, casglodd Archif Menywod Cymru a'r Senedd straeon gan yr Aelodau benywaidd, gan gofnodi gwaddol eu gwaith ym maes datganoli a chydraddoldeb. 7 Mawrth – 22 Mawrth

2021

Windrush Cymru: dathlu bywydau a siwrneiau cenhedlaeth

Dan arweiniad Race Council Cymru, mae'r arddangosfa hon yn dangos canlyniadau prosiect hanes llafar i ddiogelu a dathlu profiadau byw'r Genhedlaeth Windrush yng Nghymru.

Undo Things Done

Mae'r Senedd yn falch o groesawu cyflwyniad cloi Undo Things Done, sef arddangosfa deithiol Sean Edwards a grëwyd ar gyfer Cymru yn Fenis / Wales in Venice 2019 fel rhan o Biennale Fenis, yr arddangosfa celfyddydau gweledol fwyaf yn y byd.  26 Gorffennaf – 5 Medi 2021

Gorymdaith Fawr y Swffragetiaid, Llundain. ©Media Wales

Menywod, Cymru a Gwleidyddiaeth

Yn y cyfnod yn arwain at etholiad y Senedd 2021, y Diwrnod Rhyngwladol y Menywod hwn rydym yn dathlu'r menywod a ymgyrchodd am yr hawl i bleidleisio, ac yn rhannu profiadau Menywod yng Ngwleidyddiaeth Cymru.

Baner a ddefnyddiwyd gan CYLCH i brotestio yn erbyn Adran 28 mewn gorymdaith yn Aberystwyth. © Amgueddfa Cymru - National Museum Wales

Casglu hanesion LHDTQ+

I nodi Mis Hanes LHDT + 2021 ac yn ystod y cyfnod yn arwain at etholiadau’r Senedd, mae Mark Etheridge, curadur Amgueddfa Werin Cymru Sain Ffagan wedi dewis eitemau allweddol o gasgliad yr amgueddfa sy’n tynnu sylw at bwysigrwydd actifiaeth wleidyddol a defnyddio eich llais. Gallwch weld yr Oriel Ar-lein.

Hyrwyddwyr Cymunedol

Eleni, mae llawer o bobl gyffredin wedi bod yn gwneud pethau hynod anghyffredin i sicrhau lles a diogelwch ein cymunedau. Mae ein oriel bortreadau ar-lein yn arddangos hyrwyddwyr cymunedol o bob rhan o Gymru.

2020

Nifer o Leisiau, Un Genedl

Mae Nifer o Leisiau, Un Genedl yn arddangosfa deithiol, wedi’i churadu gan Ffotogallery a Senedd Cymru. Comisiynwyd yr arddangosfa gan Senedd Cymru ac mae'n rhan o'r rhaglen o ddigwyddiadau a gweithgareddau i nodi’r 20 mlynedd gyntaf o ddatganoli yng Nghymru.

Efallai y bydd gennych ddiddordeb hefyd

Arddangosfeydd yn y Senedd

Mae’r arddangosfeydd yn y Senedd yn gyfle i weld yr enghreifftiau gorau o’r hyn y gall Cymru ei gynnig. Maent yn amrywio o bartneriaethau â’n prif sefydliadau cenedlaethol i brosiectau a gaiff eu datblygu ar y cyd â chymunedau Cymru.

Arddangosfeydd a Digwyddiadau

Dyma beth sy’n digwydd yn y Brif Neuadd ac Oriel y Dyfodol.

Ymweld â'r Senedd

Dysgwch am arddangosfeydd, gweithgareddau, teithiau a digwyddiadau sy’n digwydd yn y Senedd a'r Pierhead.

Taith rithwir o amgylch y Senedd

Waeth ble ydych yn y byd, dewch i mewn i weld y Senedd ar daith rithwir.